قصيدة: علام بلادي ............

عــلام بــلادي عـالي ويرفرف * * * لخضر ولحمر ومعاهم لبيض مزيان
شعبو فــاهم قـاري ومثقــف * * * يدرس في السنة واعلوم القرءان
يقولك وطني حبوا مـا يتوقــف * * * والجزاير ميمتنا واولادها خيان
أقرا سورة الانفال تلقاها في المصحف * * * حثت على الجهاد نبينا العدنان
جرينا على الجهاد وعلينا مـاتخلف * * * بالرجلة والنيف جابوها الشجعان
الـحرية ثمنها غالي وتـــكلف * * * من اجلها ضحاو شابات وشبان
سي العربي شجاع ويعرف يصرف * * * وزيد معاه حسيبة وعبان رمضان
جزايري قافز مــايرضى بالهف * * * ما يغرو عدو مايغويه شيطان
نعاودو نحيو العاهد ونديرو صف * * * وتولي لفراح مرجع كيف زمان
الشاعر: عثماني عماد فهد